பிள்ளைகள் ஆடும் கிரிக்கெட்டு - ஒரு
பிய்ந்த பலகையே விக்கெட்டு!
டிக்கட்டேதும் கிடையாது - காண
இக்கட்டேதும் கிடையாது!
விதிகள் அதிகம் தெரியாது - கெட்ட
சதிகள் அறவே புரியாது!
அம்பயர் பிக்கலும் கிடையாது - இம்சை
ரம்பையர் குலுக்கலும் கிடையாது!
நாட்டம் எல்லாம் ஓட்டந்தான் - விக்கெட்
வீழினும் அடையார் வாட்டந்தான்!
விக்கெட்டெடுத்த வீரனிடம் - வீண்
கொக்கரிப்பெல்லாம் கிடையாது!
வெய்யோன் செஞ்சுரி முந்துகிறான் - மலை
வேம்பின் அடியில் குந்துங்கள்!
கோடை பிறந்தால் கூடுவரே - தம்
பள்ளிகள் திறந்தால் ஓடுவரே!